ஆர்வத்தைத் தூண்டும் விதமாக ‘கிளி நின்ற சாலை’ என்ற தலைப்பைக் கொண்டுள்ளது இப்புதினம். ரோடு ரோலர் வண்டியில் கிளீனராக வேலை செய்யும் திருமுருகன் எனும் விளிம்பு நிலைத் தொழிலாளியின் வாழ்க்கைப் பாட்டைப் பற்றி ரோடு ரோலர் போலவே நிதானமாக சொல்லிக்கொண்டு போகிறது. இடதுசாரி தத்துவ நூல்களையும், அரசியல் நூல்களையும், மூன்றாம் உலக இலக்கியங்களையும் தொடர்ந்து தமிழ் வாசகர்களுக்கு அறிமுகம் செய்து வந்த விடியல் பதிப்பகம் இப்போது அடித்தட்டு தமிழ் மக்களின் வாழ்க்கையைப் பேசும் படைப்பிலக்கியத்தை வெளியிடும் முயற்சியின் பகுதியாக இந்தக் கிளி நின்ற சாலையை வெளியிட்டுள்ளது.